Prijevod na telugu jezik - Abdurahim b. Muhamed

Prijevod značenja Plemenitog Kur'ana

Prevodilac: Abdurahim ibn Muhammed.

వగర్చుతూ పరిగెత్తే గుర్రాల సాక్షిగా![1]

[1] 'దబ్'హన్: వగర్చుతూ.

తమ ఖురాల తట్టులతో అగ్నికణాలు లేపేవాటి;[1]

[1] అల్-మారియాతు: అగ్నికణాలు లేపే! ఖద్'హున్: ఖరాల తట్టులు.

తెల్లవారుఝామున దాడి చేసేవాటి;[1]

[1] అల్-ము'గీరాతు: దాడి చేసేవాటి.

(మేఘాల వంటి) దుమ్ము లేపుతూ;[1]

[1] అసా'ర: లేపుట, నఖ్'వున్: దుమ్ము.

(శత్రువుల) సమూహంలో దూరిపోయే వాటి.

నిశ్చయంగా, మానవుడు తన ప్రభువు పట్ల ఎంతో కృతఘ్నుడు.[1]

[1] కనూదున్: అంటే కఫూరున్, కృతఘ్నుడు.

మరియు నిశ్చయంగా, దీనికి స్వయంగా అతడే సాక్షి.

మరియు నిశ్చయంగా, అతడు సిరిసంపదల వ్యామోహంలో పూర్తిగా మునిగి ఉన్నాడు.

ఏమిటి? అతనికి తెలియదా? గోరీలలో ఉన్నదంతా పెళ్ళగించి బయటికి తీయబడినప్పుడు;[1]

[1] అంటే గోరీలలో ఉన్న శవాలను సజీవులుగా చేసి లేపి సమావేశపరచబడినప్పుడు.

మరియు (మానవుల) హృదయాలలోని విషయాలన్నీ వెల్లడి చేయబడినప్పుడు;

నిశ్చయంగా, ఆ రోజున వారి ప్రభువు వారిని గురించి అంతా తెలుసుకొని ఉంటాడని!