Header Include

Terjemahan Berbahasa Urdu

Terjemahan makna Al-Qur`ān Al-Karīm ke bahasa Urdu oleh Muhammad Ibrahim Jonakri. Sudah dikoreksi di bawah pengawasan Markaz Ruwād Terjemah. Teks terjemahan asli masih bisa ditampilkan untuk diberi masukan, evaluasi dan pengembangan.

QR Code https://quran.islamcontent.com/id/urdu_junagarhi

إِذَا ٱلشَّمۡسُ كُوِّرَتۡ

جب سورج لپیٹ لیا جائے گا.

جب سورج لپیٹ لیا جائے گا.

وَإِذَا ٱلنُّجُومُ ٱنكَدَرَتۡ

اور جب ستارے بے نور ہو جائیں گی.(1)

(1) یعنی جس طرح سر پر عمامہ لپیٹا جاتا ہے، اس طرح سورج کے وجود کو لپیٹ کر پھینک دیا جائے گا۔ جس سے اس کی روشنی از خود ختم ہو جائے گی۔ حدیث میں ہے الشمس والقمر مكوران بوم القيامة ۔ ( صحيح بخاري، بدء الخلق، باب صفة الشمس والقمر بحسبان) (قیامت والے دن چاند اور سورج لپیٹ دیئے جائیں گے)۔ بعض روایات سے معلوم ہوتا ہے کہ لپیٹ کر ان دونوں کو جہنم میں پھینک دیا جائے گا تاکہ مشرکین مزید ذلیل وخوار ہوں جو ان کی عبادت کرتے تھے۔ (فتح الباری، باب مذکور) ۔ (2) دوسرا ترجمہ ہےجھڑ کر گر جائیں گے۔ یعنی آسمان پر ان کا وجود ہی نہیں رہے گا۔
اور جب ستارے بے نور ہو جائیں گی.(1)

وَإِذَا ٱلۡجِبَالُ سُيِّرَتۡ

اور جب پہاڑ چلائے جائیں گے.(1)

(1) یعنی انہیں زمین سے اکھیڑ کر ہواؤں میں چلا دیا جائے گا اور وہ دھنی ہوئی روئی کی طرح اڑیں گے۔
اور جب پہاڑ چلائے جائیں گے.(1)

وَإِذَا ٱلۡعِشَارُ عُطِّلَتۡ

اور جب دس ماه کی حاملہ اونٹنیاں چھوڑ دی جائیں.(1)

- عِشَارٌ ، عُشَراءُ کی جمع ہے، حمل والیاں یعنی گابھن اونٹیناں، جب ان کا حمل دس مہینوں کا ہو جاتا ہےتو عربوں میں یہ بہت نفیس اور قیمتی سمجھیں جاتی تھیں۔ جب قیامت برپا ہوگی تو ایسا ہولناک منظر ہوگا کہ اگر کسی کے پاس اس قسم کی قیمتی اونٹنی بھی ہوں گی تو وہ ان کی بھی پروا نہیں کرے گا۔
اور جب دس ماه کی حاملہ اونٹنیاں چھوڑ دی جائیں.(1)

وَإِذَا ٱلۡوُحُوشُ حُشِرَتۡ

اور جب وحشی جانور اکھٹے کیے جائیں گے.(1)

(1) یعنی انہیں بھی قیامت والے دن جمع کیا جائے گا۔
اور جب وحشی جانور اکھٹے کیے جائیں گے.(1)

وَإِذَا ٱلۡبِحَارُ سُجِّرَتۡ

اور جب سمندر بھڑکائے جائیں گے.(1)

(1) یعنی ان میں اللہ کے حکم سے آگ بھڑک اٹھے گی۔
اور جب سمندر بھڑکائے جائیں گے.(1)

وَإِذَا ٱلنُّفُوسُ زُوِّجَتۡ

اور جب جانیں (جسموں سے) ملا دی جائیں گی.(1)

(1) اس کے کئی مفہوم بیان کئے گئے ہیں۔ زیادہ قرین قیاس یہ معلوم ہوتاہے کہ ہر انسان کو اس کے ہم مذہب وہم مشرب کےساتھ ملا دیا جائے گا۔ مومن کو مومنوں کےساتھ اور بدکو بدوں کے ساتھ، یہودی کو یہودیوں کے ساتھ اور عیسائی کو عیسائیوں کے ساتھ، وَعَلَى هَذَا الْقِيَاسِ ۔
اور جب جانیں (جسموں سے) ملا دی جائیں گی.(1)

وَإِذَا ٱلۡمَوۡءُۥدَةُ سُئِلَتۡ

اور جب زنده گاڑی ہوئی لڑکی سے سوال کیا جائے گا.

اور جب زنده گاڑی ہوئی لڑکی سے سوال کیا جائے گا.

بِأَيِّ ذَنۢبٖ قُتِلَتۡ

کہ کس گناه کی وجہ سے وه قتل کی گئی؟(1)

(1) اس طرح دراصل قاتل کو سرزنش کی جائے گی کیونکہ اصل مجرم تو وہی ہوگا نہ کہ موءدۃ جس سے بظاہر سوال ہوگا۔
کہ کس گناه کی وجہ سے وه قتل کی گئی؟(1)

وَإِذَا ٱلصُّحُفُ نُشِرَتۡ

اور جب نامہٴ اعمال کھول دیئے جائیں گے.(1)

(1) موت کے وقت یہ صحیفے لپیٹ دیئے جاتے ہیں، پھر قیامت والے دن حساب کےلئے کھول دیئے جائیں گے، جنہیں ہر شخص دیکھ لے گا بلکہ ہاتھوں میں پکڑا دیئے جائیں گے ۔
اور جب نامہٴ اعمال کھول دیئے جائیں گے.(1)

وَإِذَا ٱلسَّمَآءُ كُشِطَتۡ

اور جب آسمان کی کھال اتار لی جائے گی.(1)

(1) یعنی وہ اس طرح ادھیڑ دیئے جائیں گےجس طرح چھت ادھیڑ دی جاتی ہے۔
اور جب آسمان کی کھال اتار لی جائے گی.(1)

وَإِذَا ٱلۡجَحِيمُ سُعِّرَتۡ

اور جب جہنم بھڑکائی جائے گی.

اور جب جہنم بھڑکائی جائے گی.

وَإِذَا ٱلۡجَنَّةُ أُزۡلِفَتۡ

اور جب جنت نزدیک کر دی جائے گی.

اور جب جنت نزدیک کر دی جائے گی.

عَلِمَتۡ نَفۡسٞ مَّآ أَحۡضَرَتۡ

تو اس دن ہر شخص جان لے گا جو کچھ لے کر آیا ہوگا.(1)

(1) یہ جواب ہے یعنی جب مذکورہ امور ظہور پذیر ہوں گے، جن میں سے پہلے چھ امور کا تعلق دنیا سے ہے اور دوسرے چھ امور کا آخرت سے۔ اس وقت ہر ایک کے سامنے اس کی حقیقت آجائے گی۔
تو اس دن ہر شخص جان لے گا جو کچھ لے کر آیا ہوگا.(1)

فَلَآ أُقۡسِمُ بِٱلۡخُنَّسِ

میں قسم کھاتا ہوں پیچھے ہٹنے والے.

میں قسم کھاتا ہوں پیچھے ہٹنے والے.

ٱلۡجَوَارِ ٱلۡكُنَّسِ

چلنے پھرنے والے چھپنے والے ستاروں کی.(1)

(1) اس سے مراد ستارے خُنَّسٌ، خَنَسَ سے ہے جس کے معنی پیچھےہٹنے کے ہیں۔ یہ ستارے دن کے وقت اپنے منظر سے پیچھے ہٹ جاتے ہیں اور نظر نہیں آتے۔ اور یہ زخل، مشتری، مریخ، زہرہ، عطارد ہیں، یہ خاص طور پر سورج کے رخ پر ہوتے ہیں بعض کہتے ہیں کہ سارے ہی ستارےمراد ہیں، کیوں کہ سب ہی اپنے غائب ہونے کی جگہ پر غائب ہو جاتے ہیں یا دن کو چھپے رہتے ہیں الْجَوَارِ چلنے والے، الْكُنَّسِ چھپ جانے والے، جیسے ہرن اپنے مکان اور مسکن میں چھپ جاتا ہے۔
چلنے پھرنے والے چھپنے والے ستاروں کی.(1)

وَٱلَّيۡلِ إِذَا عَسۡعَسَ

اور رات کی جب جانے لگے.(1)

(1) عَسْعَسَ، اضداد میں سے ہے، یعنی آنے اور جانے دونوں معنوں میں اس کا استعمال ہوتا ہے، تاہم یہاں جانے کے معنی میں ہے۔
اور رات کی جب جانے لگے.(1)

وَٱلصُّبۡحِ إِذَا تَنَفَّسَ

اور صبح کی جب چمکنے لگے.(1)

(1) یعنی جب اس کا ظہور وطلوع ہو جائے، یا وہ پھٹ اور نکل آئے۔
اور صبح کی جب چمکنے لگے.(1)

إِنَّهُۥ لَقَوۡلُ رَسُولٖ كَرِيمٖ

یقیناً یہ ایک بزرگ رسول کا کہا ہوا ہے.(1)

(1) اس لئے وہ اسے اللہ کی طرف لے کر آیا ہے۔ مراد حضرت جبرائیل (عليه السلام) ہیں۔
یقیناً یہ ایک بزرگ رسول کا کہا ہوا ہے.(1)

ذِي قُوَّةٍ عِندَ ذِي ٱلۡعَرۡشِ مَكِينٖ

جو قوت واﻻ ہے(1) ، عرش والے (اللہ) کے نزدیک بلند مرتبہ ہے.

(1) یعنی جو کام اس کےسپرد کیاجائے،اسے پوری قوت سے کرتا ہے۔
جو قوت واﻻ ہے(1) ، عرش والے (اللہ) کے نزدیک بلند مرتبہ ہے.

مُّطَاعٖ ثَمَّ أَمِينٖ

جس کی (آسمانوں میں) اطاعت کی جاتی ہے اورامین(1) ہے.

(1) یعنی فرشتوں کے درمیان اس کی اطاعت کی جاتی ہے۔ وہ فرشتوں کا مرجع اور مطاع ہے نیز وحی کےسلسلے میں امین ہے۔
جس کی (آسمانوں میں) اطاعت کی جاتی ہے اورامین(1) ہے.

وَمَا صَاحِبُكُم بِمَجۡنُونٖ

اور تمہارا ساتھی دیوانہ نہیں ہے.(1)

(1) یہ خطاب اہل مکہ سے ہے اور صاحب مراد رسول اللہ (صلى الله عليه وسلم) ہیں۔ یعنی تم جو گمان رکھتے ہو کہ تمہارا ہم نسب اور ہم وطن ساتھ ساتھی، ( محمد صلى الله عليه وسلم) دیوانہ ہے ۔ نعوذ باللہ ۔ ایسا نہیں ہے، ذرا قرآن پڑھ کر تو دیکھوکہ کیا کوئی دیوانہ ایسے معارف وحقائق بیان کر سکتا ہے اور گزشتہ قوموں کے صحیح صحیح حالات بتلا سکتا ہے جو اس قرآن میں بیان کئے گئے ہیں۔
اور تمہارا ساتھی دیوانہ نہیں ہے.(1)

وَلَقَدۡ رَءَاهُ بِٱلۡأُفُقِ ٱلۡمُبِينِ

اس نے اس (فرشتے) کو آسمان کے کھلے کنارے پر دیکھا بھی ہے.(1)

(1) یہ پہلے ذکر گزر چکا ہے کہ رسول اللہ (صلى الله عليه وسلم) نے حضرت جبرائیل کو دو مرتبہ ان کی اصل حالت میں دیکھا ہے، جن میں سے ایک کا یہاں ذکر ہے۔ یہ ابتدائے نبوت کا واقعہ ہے، اس وقت حضرت جبرائیل (عليه السلام) کے چھ سو پر تھے، جنہوں نے آسمان کے کناروں کو بھر دیا تھا۔ دوسری مرتبہ معراج کے موقعے پر دیکھا۔ جیسا کہ سورۂ نجم میں تفصیل گزر چکی ہے۔
اس نے اس (فرشتے) کو آسمان کے کھلے کنارے پر دیکھا بھی ہے.(1)

وَمَا هُوَ عَلَى ٱلۡغَيۡبِ بِضَنِينٖ

اور یہ غیب کی باتوں کو بتلانے میں بخیل بھی نہیں.(1)

(1) یہ نبی (صلى الله عليه وسلم) کی بابت وضاحت کی جا رہی ہے کہ آپ کو جن باتوں کی اطلاع دی جاتی ہے، جو احکام وفرائض آپ کو بتلائے جاتے ہیں، ان میں سےکوئی بات آپ اپنے پاس نہیں رکھتے بلکہ فریضۂ رسالت کی ذمے داریوں کا احساس کرتے ہوئے ہر بات اور ہر حکم لوگوں تک پہنچا دیتے ہیں۔
اور یہ غیب کی باتوں کو بتلانے میں بخیل بھی نہیں.(1)

وَمَا هُوَ بِقَوۡلِ شَيۡطَٰنٖ رَّجِيمٖ

اور یہ قرآن شیطان مردود کا کلام نہیں.(1)

(1) جس طرح نجومیوں کے پاس شیطان آتے ہیں اور آسمانوں کی بعض چوری چھپی باتیں ادھوری شکل میں انہیں بتلا دیتے ہیں۔ قرآن ایسا نہیں ہے۔
اور یہ قرآن شیطان مردود کا کلام نہیں.(1)

فَأَيۡنَ تَذۡهَبُونَ

پھر تم کہاں جا رہے ہو.(1)

(1) یعنی کیوں اس سےاعراض کرتے ہو ؟ اور اس کی اطاعت نہیں کرتے ؟
پھر تم کہاں جا رہے ہو.(1)

إِنۡ هُوَ إِلَّا ذِكۡرٞ لِّلۡعَٰلَمِينَ

یہ تو تمام جہان والوں کے لئے نصیحت نامہ ہے.

یہ تو تمام جہان والوں کے لئے نصیحت نامہ ہے.

لِمَن شَآءَ مِنكُمۡ أَن يَسۡتَقِيمَ

(بالخصوص) اس کے لئے جو تم میں سے سیدھی راه پر چلنا چاہے.

(بالخصوص) اس کے لئے جو تم میں سے سیدھی راه پر چلنا چاہے.

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

اور تم بغیر پروردگار عالم کے چاہے کچھ نہیں چاه سکتے.(1)

(1) یعنی تمہاری چاہت ، اللہ کی توفیق پر منحصر ہے، جب تک تمہاری چاہت کے ساتھ اللہ کی مشیت اور اس کی توفیق بھی شامل نہیں ہوگی، اس وقت تک تم سیدھا راستہ بھی اختیار نہیں کر سکتے۔ یہ وہی مضمون ہے جو إِنَّكَ لا تَهْدِي مَنْ أَحْبَبْتَ (القصص: 56) وغیرہ آیات میں بیان ہوا ہے۔
اور تم بغیر پروردگار عالم کے چاہے کچھ نہیں چاه سکتے.(1)
Footer Include