Terjemahan Berbahasa Yoruba

Terjemahan makna Al-Qur`ān Al-Karīm ke bahasa Yoruba oleh Syekh Abu Rahimah Mikael Aykoyini. Cetakan tahun 1432 H.

ٱلۡقَارِعَةُ

Àkókò ìjáyà.

Kí ni Àkókò ìjáyà?

Kí sì l’ó mú ọ mọ ohun tó ń jẹ́ Àkókò ìjáyà?

(Òhun ni) ọjọ́ tí ènìyàn yó dà bí àfòpiná tí wọ́n fọ́nká síta,

àwọn àpáta yó sì dà bí ẹ̀gbọ̀n òwú tí wọ́n gbọ̀n dànù.

Nítorí náà, ní ti ẹni tí òṣùwọ̀n (iṣẹ́ rere) rẹ̀ bá tẹ̀wọ̀n,

ó sì máa wà nínú ìṣẹ̀mí tó máa yọ́nú sí.

Ní ti ẹni tí òṣùwọ̀n (iṣẹ́ rere) rẹ̀ bá sì fúyẹ́,

Hāwiyah sì ni ibùgbé rẹ̀.

Kí sì ni ó mú ọ mọ ohun tó ń jẹ́ bẹ́ẹ̀?

(Òhun ni) Iná gbígbóná tó ń jó gan-an.