Bản dịch tiếng Kirundi - Yusuf Guhaiti

Dịch thuật ý nghĩa Kinh Qur'an

Người dịch Yusuf Guhaiti, do Quỹ Phát triển Châu Phi phát hành

Mbega warabonye uwuhakana yivuye inyuma, izuka ry’ibiremwa n’impera yavyo ku musi w’izuka?

Uyo, ni uwuryagumba agahahaza impfuvyi, agahonyanga agateka kayo ku karenganyo;

Ntanahimirize gufungurira abakene, nkeswe kubafungurira we nyene.

Burya guhanwa nya guhanwa, ni ukw’abasenga mu buryarya;

Abirengagiza amasengesho yabo mu kutayasengera ku mwanya wayo no mu kutubahiriza ibisabwa vyayo;

Abiyerekana mu vyo bakora kugira bashimwe n’abantu;

Bakanimana mu kudatizanya utumaramuziro[1].

[1] Bananiwe kuba abagwaneza mu gusenga Imana Allah, bananirwa no kuba abagwaneza ku biremwa.