La traduction assamaise - Rafîq Al Islâm Habîb Ar-Rahmân

Traduction des sens du Noble Coran

Traduit par Rafîq Al-Islâm Ḥabîb Ar-Raḥmân.

শপত ঊৰ্ধ্বশ্বাসত দৌৰি যোৱা ঘোঁৰাবোৰৰ,

যিবোৰে ক্ষুৰৰ আঘাতত ফিৰিঙতি উৰুৱায়,

যিবোৰে প্ৰভাতকালত আক্ৰমণ কৰে,

ফলত সিহঁতে ইয়াৰ দ্বাৰা ধূলি উৰুৱায়;

আৰু ইয়াৰ দ্বাৰা শত্ৰু দলৰ অভ্যন্তৰত সোমাই পৰে।

নিশ্চয় মানুহ তাৰ প্ৰতিপালকৰ প্ৰতি অতিকৈ অকৃতজ্ঞ,

নিশ্চয় সি এই বিষয়ে সাক্ষী,

আৰু নিশ্চয় সি ধন-সম্পদৰ লোভত খুবেই প্ৰবল।

সি নাজানে নেকি যে, কবৰত যি আছে সেয়া উত্থিত হ’ব,

আৰু অন্তৰত যি আছে সেয়া প্ৰকাশিত হ’ব?

নিশ্চয় সিহঁতৰ প্ৰতিপালক সেইদিনা সিহঁতৰ অৱস্থা সম্পৰ্কে সবিশেষ অৱহিত।