Header Include

الترجمة السواحلية - علي محسن البرواني

ترجمها علي محسن البرواني.

QR Code https://quran.islamcontent.com/55/swahili_barawani

لَآ أُقۡسِمُ بِيَوۡمِ ٱلۡقِيَٰمَةِ

Ninaapa kwa Siku ya Kiyama! [1]

[1] Ninaapa na natilia mkazo kiapo hichi kwa Siku ya Kiyama, na hiyo ni kweli iliyo thibiti;
Ninaapa kwa Siku ya Kiyama! [1]

وَلَآ أُقۡسِمُ بِٱلنَّفۡسِ ٱللَّوَّامَةِ

Na ninaapa kwa nafsi inayo jilaumu! [2]

[2] Na ninaapa na natilia mkazo kiapo hichi kwa nafsi inayo mlaumu mtu kwa dhambi zake na upungufu wake, ya kwamba bila ya shaka yoyote mtafufuliwa baada ya kukusanywa mafupa yenu yaliyo tawanyika.
Na ninaapa kwa nafsi inayo jilaumu! [2]

أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ

Anadhani mtu kuwa Sisi hatutaikusanya mifupa yake? [3]

[3] Hivyo mtu anadhani baada ya kuwa Sisi tulimuumba naye hakuwa kitu chochote, tutakuja shindwa kuyakusanya mafupa yake yaliyooza na yakatapanyika?
Anadhani mtu kuwa Sisi hatutaikusanya mifupa yake? [3]

بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ

Kwani! Sisi tunaweza hata kuziweka sawa sawa ncha za vidole vyake! [4]

[4] Hasha! Sisi tuna uweza wa kuviweka sawa hata vifupa vya vidole vyake vilivyo vurugika, wachilia mbali mafupa yake makubwa makubwa ya mwili wake.
Kwani! Sisi tunaweza hata kuziweka sawa sawa ncha za vidole vyake! [4]

بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ

Lakini mtu anataka tu kuendelea na maasi kwa siku zilioko mbele yake. [5]

[5] Hivyo mtu anakanya kufufuliwa? Anataka abakie katika uasi wake katika siku zote zilizo mbakilia katika umri wake ulio salia?
Lakini mtu anataka tu kuendelea na maasi kwa siku zilioko mbele yake. [5]

يَسۡـَٔلُ أَيَّانَ يَوۡمُ ٱلۡقِيَٰمَةِ

Anauliza: Lini itakuwa hiyo Siku ya Kiyama? [6]

[6] Anauliza kwa kuona haiwezi kutokea saa ya Kiyama: Lini itakuwa hiyo Siku ya Kiyama?
Anauliza: Lini itakuwa hiyo Siku ya Kiyama? [6]

فَإِذَا بَرِقَ ٱلۡبَصَرُ

Basi jicho litapo dawaa! [7]

[7] Jicho litapo tahayari kwa kufazaika na kushtuka,
Basi jicho litapo dawaa! [7]

وَخَسَفَ ٱلۡقَمَرُ

Na mwezi utapo patwa! [8]

[8] Na mwangaza wa mwezi ukapotea,
Na mwezi utapo patwa! [8]

وَجُمِعَ ٱلشَّمۡسُ وَٱلۡقَمَرُ

Na likakusanywa jua na mwezi! [9]

[9] Na jua likakusanyika na mwezi kuchomoza magharibi,
Na likakusanywa jua na mwezi! [9]

يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ

Siku hiyo mtu atasema: Yako wapi makimbilio? [10]

[10] Mtu hapo atasema: Yako wapi makimbilio kuikimbia hii adhabu?
Siku hiyo mtu atasema: Yako wapi makimbilio? [10]

كَلَّا لَا وَزَرَ

La! Hapana pa kukimbilia! [11]

[11] Huachi, ewe mtu, kutafuta makimbilio? Leo huna pa kukimbilia wewe,
La! Hapana pa kukimbilia! [11]

إِلَىٰ رَبِّكَ يَوۡمَئِذٍ ٱلۡمُسۡتَقَرُّ

Siku hiyo pa kutua ni kwa Mola wako Mlezi tu. [12]

[12] ila kwa Mola wako Mlezi peke yake, ndipo penye matulivu ya waja, Peponi au Motoni.
Siku hiyo pa kutua ni kwa Mola wako Mlezi tu. [12]

يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ

Siku hiyo ataambiwa aliyo yatanguliza na aliyo yaakhirisha. [13]

[13] Siku hiyo mtu ataambiwa vitendo vyake alivyo vitanguliza na alivyo viakhirisha.
Siku hiyo ataambiwa aliyo yatanguliza na aliyo yaakhirisha. [13]

بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ

Bali mtu ni hoja juu ya nafsi yake. [14]

[14] Bali mtu yeye mwenyewe ni hoja iliyo wazi juu ya nafsi yake inayo mkazania kwa anayo yatenda na anayo yaacha.
Bali mtu ni hoja juu ya nafsi yake. [14]

وَلَوۡ أَلۡقَىٰ مَعَاذِيرَهُۥ

Na ingawa atatoa chungu ya udhuru. [15]

[15] Na ijapo kuwa atajitolea chungu nzima ya udhuru na akazieneza, hawezi kabisa kuepukana na hoja hizo.
Na ingawa atatoa chungu ya udhuru. [15]

لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ

Usiutikisie huu wahyi ulimi wako kwa kuufanyia haraka. [16]

[16] Usiuharikishe ulimi wako kwa kuisoma Qur'ani na kujaribu kuihifadhi kwa haraka pale unapo teremshiwa kwa Wahyi.
Usiutikisie huu wahyi ulimi wako kwa kuufanyia haraka. [16]

إِنَّ عَلَيۡنَا جَمۡعَهُۥ وَقُرۡءَانَهُۥ

Hakika ni juu yetu kuukusanya na kuusomesha. [17]

[17] Hakika ni juu yetu Sisi kuikusanya hiyo katika kifua chako, na kuithibitisha katika ulimi wako.
Hakika ni juu yetu kuukusanya na kuusomesha. [17]

فَإِذَا قَرَأۡنَٰهُ فَٱتَّبِعۡ قُرۡءَانَهُۥ

Tunapo usoma, basi nawe fuatiliza kusoma kwake. [18]

[18] Akikusomea Mjumbe wetu (Jibril) basi nawe ifuatilize kama unavyo isikia.
Tunapo usoma, basi nawe fuatiliza kusoma kwake. [18]

ثُمَّ إِنَّ عَلَيۡنَا بَيَانَهُۥ

Kisha ni juu yetu kuubainisha. [19]

[19] Kisha baada ya hayo ni juu yetu kuibainisha ikiingia tatizo lolote juu yako.
Kisha ni juu yetu kuubainisha. [19]

كَلَّا بَلۡ تُحِبُّونَ ٱلۡعَاجِلَةَ

Hasha! Bali nyinyi mnapenda maisha ya duniani, [20]

[20] Wacheni kukanya kufufuliwa, na hilo ni jambo la kweli. Lakini nyinyi mnaipenda dunia na starehe zake,
Hasha! Bali nyinyi mnapenda maisha ya duniani, [20]

وَتَذَرُونَ ٱلۡأٓخِرَةَ

Na mnaacha maisha ya Akhera. [21]

[21] Na mnaiacha Akhera na neema zake.
Na mnaacha maisha ya Akhera. [21]

وُجُوهٞ يَوۡمَئِذٖ نَّاضِرَةٌ

Zipo nyuso siku hiyo zitao ng'ara, [22]

[22] Siku hiyo zitakuwapo nyuso nzuri, zenye kumwangalia Mola wao Mlezi bila ya kusema kwa sifa gani, wajihi gani, au masafa gani.
Zipo nyuso siku hiyo zitao ng'ara, [22]

إِلَىٰ رَبِّهَا نَاظِرَةٞ

Zinamwangallia Mola wao Mlezi. [23]

[23] Siku hiyo zitakuwapo nyuso nzuri, zenye kumwangalia Mola wao Mlezi bila ya kusema kwa sifa gani, wajihi gani, au masafa gani.
Zinamwangallia Mola wao Mlezi. [23]

وَوُجُوهٞ يَوۡمَئِذِۭ بَاسِرَةٞ

Na zipo nyuso siku hiyo zitakao kunjana. [24]

[24] Na nyuso nyengine zitakuwapo zimenuna, zimekunjana mno, zinangojea zitendewe jambo ambalo kwa kitisho chake linavunja uti wa mgongo.
Na zipo nyuso siku hiyo zitakao kunjana. [24]

تَظُنُّ أَن يُفۡعَلَ بِهَا فَاقِرَةٞ

Zitajua ya kuwa zitafikiwa na livunjalo uti wa mgongo. [25]

[25] Zinangojea zitendewe jambo ambalo kwa kitisho chake linavunja uti wa mgongo.
Zitajua ya kuwa zitafikiwa na livunjalo uti wa mgongo. [25]

كَلَّآ إِذَا بَلَغَتِ ٱلتَّرَاقِيَ

La, hasha! (Roho) itakapo fikia kwenye mafupa ya koo, [26]

[26] Mna nini na kuipenda dunia ambayo mnaifariki roho inapo fika katika mafupa ya kooni,
La, hasha! (Roho) itakapo fikia kwenye mafupa ya koo, [26]

وَقِيلَ مَنۡۜ رَاقٖ

Na pakasemwa: Nani wa kumganga? [27]

[27] Na walio hudhuria wakasema: Yupo wa kumganga huyu kwa haya aliyo nayo?
Na pakasemwa: Nani wa kumganga? [27]

وَظَنَّ أَنَّهُ ٱلۡفِرَاقُ

Na mwenyewe akajua kwa hakika kuwa huko ndiko kufariki; [28]

[28] Akayakinisha yule yaliyo mfika mauti kama lililo mshukia ni kuiacha dunia inayo pendwa, na imekwisha mfika shida yake kikomo cha mwisho.
Na mwenyewe akajua kwa hakika kuwa huko ndiko kufariki; [28]

وَٱلۡتَفَّتِ ٱلسَّاقُ بِٱلسَّاقِ

Na utapo ambatishwa muundi kwa muundi, [29]

[29] Na muundi wa mguu umekwisha ambatana na wa pili wakati wa kutoka roho.
Na utapo ambatishwa muundi kwa muundi, [29]

إِلَىٰ رَبِّكَ يَوۡمَئِذٍ ٱلۡمَسَاقُ

Siku hiyo ndiyo kuchungwa kupelekwa kwa Mola wako Mlezi! [30]

[30] Kwa Mola wako Mlezi tu siku hiyo ndio machungio ya waja, ama Peponi au Motoni.
Siku hiyo ndiyo kuchungwa kupelekwa kwa Mola wako Mlezi! [30]

فَلَا صَدَّقَ وَلَا صَلَّىٰ

Kwa sababu hakusadiki, wala hakuswali. [31]

[31] Binaadamu amekanya kufufuliwa, na kwa hivyo hakumsadiki Mtume wala Qur'ani. Wala hakumtimizia Mwenyezi Mungu faridha za Swala.
Kwa sababu hakusadiki, wala hakuswali. [31]

وَلَٰكِن كَذَّبَ وَتَوَلَّىٰ

Bali alikanusha, na akageuka. [32]

[32] Lakini aliikadhibisha Qur'ani, akaipuuza Imani,
Bali alikanusha, na akageuka. [32]

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ

Kisha akenda kwa ahali zake kwa matao. [33]

[33] Na akatoka kwenda kwa watu wake wa nyumbani kwa maringo na kujitapa.
Kisha akenda kwa ahali zake kwa matao. [33]

أَوۡلَىٰ لَكَ فَأَوۡلَىٰ

Ole wako, ole wako! [34]

[34] Ewe unaye kadhibisha, utaangamia!
Ole wako, ole wako! [34]

ثُمَّ أَوۡلَىٰ لَكَ فَأَوۡلَىٰٓ

Kisha Ole wako, ole wako! [35]

[35] Tena utaangamia! Na tena utaangamia, na utaangamia!
Kisha Ole wako, ole wako! [35]

أَيَحۡسَبُ ٱلۡإِنسَٰنُ أَن يُتۡرَكَ سُدًى

Ati anadhani binaadamu kuwa ataachwa bure? [36]

[36] Hivyo anadhani huyu mtu anaye kanya kufufuliwa kuwa ataachwa hivi hivi akiringa tu katika maisha yake, na akisha kufa iwe basi, wala asifufuliwe akahisabiwa kwa vitendo vyake?
Ati anadhani binaadamu kuwa ataachwa bure? [36]

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ

Kwani hakuwa yeye tone ya manii lilio shushwa? [37]

[37] Kwani yeye mtu hakuwa ni tone tu ya manii, ilio jaaliwa kuwemo katika tumbo la uzazi?
Kwani hakuwa yeye tone ya manii lilio shushwa? [37]

ثُمَّ كَانَ عَلَقَةٗ فَخَلَقَ فَسَوَّىٰ

Kisha akawa kidonge cha damu, tena Mwenyezi Mungu akamuumba na akamtengeneza vilivyo. [38]

[38] Kisha hiyo tone ikawa kipande cha damu iliyo ganda, na Mwenyezi Mungu akaiumba, akaisawazisha mpaka ikawa na umbo zuri?
Kisha akawa kidonge cha damu, tena Mwenyezi Mungu akamuumba na akamtengeneza vilivyo. [38]

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ

Kisha akamfanya namna mbili, mwanamume na mwanamke. [39]

[39] Akajaalia namna mbili, mwanamume na mwanamke?
Kisha akamfanya namna mbili, mwanamume na mwanamke. [39]

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ

Je! Huyo hakuwa ni Muweza wa kufufua wafu? [40]

[40] Je! Huyo Muumba wa mwanzo aliye fanya yote haya, basi si muweza wa kuwahuisha maiti baada ya kuyakusanya mafupa yao?
Je! Huyo hakuwa ni Muweza wa kufufua wafu? [40]
Footer Include