アゼルバイジャン語対訳 - Khan Mosaiv

聖クルアーンの意味の翻訳

Khan Mosaiv　ルゥワード翻訳事業センター監修

(Qəlbləri qorxuya salan) Qariə!

Nədir Qariə?

Sən nə bilirsən ki, nədir Qariə?

O gün insanlar (ətrafa) səpələnmiş pərvanələr kimi olacaqlar.

Dağlar isə didilmiş yun kimi olacaqdır.

(O gün) kimin tərəziləri ağır gələrsə,

O xoş güzəran içində olacaqdır!

Kimin də tərəziləri yüngül gələrsə,

onun məskəni Haviyə olacaqdır.

Sən nə bilirsən o (Haviyə) nədir?

O, çox qızmar bir oddur!