Uyghur translation - Sh. Muhammad Saleh
Translation of the Quran meanings into Uyghur by Sh. Muhammad Saleh. Corrected by supervision of Rowwad Translation Center. The original translation is available for suggestions, continuous evaluation and development.
إِذَا ٱلسَّمَآءُ ٱنفَطَرَتۡ
ئاسمان يېرىلغان چاغدا[1]،
وَإِذَا ٱلۡكَوَاكِبُ ٱنتَثَرَتۡ
يۇلتۇزلار تۆكۈلگەن چاغدا[2]،
وَإِذَا ٱلۡبِحَارُ فُجِّرَتۡ
دېڭىزلار بىر ـ بىرىگە قوشۇلغان چاغدا[3]،
وَإِذَا ٱلۡقُبُورُ بُعۡثِرَتۡ
قەبرىلەر ئاستى ـ ئۈستى قىلىنغان (يەنى ئۆلۈكلەر چىقىرىلغان) چاغدا[4]،
عَلِمَتۡ نَفۡسٞ مَّا قَدَّمَتۡ وَأَخَّرَتۡ
ھەر ئادەم ئىلگىرى ـ كېيىن قىلغان ئىشلىرىنىڭ ھەممىسىنى بىلىدۇ[5].
يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ
ئى ئىنسان! سېنى مەرھەمەتلىك پەرۋەردىگارىڭغا ئاسىيلىق قىلىشقا نېمە ئالدىدى؟[6]
ٱلَّذِي خَلَقَكَ فَسَوَّىٰكَ فَعَدَلَكَ
ئۇ سېنى ياراتتى، (ئەزالىرىڭنى) بېجىرىم، قامىتىڭنى تۈز قىلدى[7].
فِيٓ أَيِّ صُورَةٖ مَّا شَآءَ رَكَّبَكَ
سېنى ئۇ خالىغان شەكىلدە قۇراشتۇردى[8].
كَلَّا بَلۡ تُكَذِّبُونَ بِٱلدِّينِ
ھەرگىز ئۇنداق قىلماڭلار (يەنى ئاللاھنىڭ كەرەمىگە مەغرۇر بولماڭلار). (ئى مەككە كۇففارلىرى!) بەلكى سىلەر دىننى ئىنكار قىلىسىلەر[9].
وَإِنَّ عَلَيۡكُمۡ لَحَٰفِظِينَ
ھالبۇكى سىلەرنىڭ ئۈستۈڭلاردا سىلەرنى كۈزىتىپ تۇرغۇچى پەرىشتىلەر بار[10].
كِرَامٗا كَٰتِبِينَ
ئۇلار (ئاللاھنىڭ دەرگاھىدا) ھۆرمەتلىك پەرىشتىلەر بولۇپ، (سىلەرنىڭ سۆزلىرىڭلارنى ۋە ئەمەللىرىڭلار) نى يېزىپ تۇرىدۇ[11].
يَعۡلَمُونَ مَا تَفۡعَلُونَ
ئۇلار قىلمىشىڭلارنى بىلىپ تۇرىدۇ[12].
إِنَّ ٱلۡأَبۡرَارَ لَفِي نَعِيمٖ
مۆمىنلەر شەك ـ شۈبھىسىز جەننەتتە بولىدۇ[13]،
وَإِنَّ ٱلۡفُجَّارَ لَفِي جَحِيمٖ
كاپىرلار شەك ـ شۈبھىسىز دوزاختا بولىدۇ[14].
يَصۡلَوۡنَهَا يَوۡمَ ٱلدِّينِ
ئۇلار قىيامەت كۈنى دوزاخقا كىرىدۇ[15].
وَمَا هُمۡ عَنۡهَا بِغَآئِبِينَ
ئۇلار ھەرگىز دوزاختىن ئايرىلمايدۇ[16].
وَمَآ أَدۡرَىٰكَ مَا يَوۡمُ ٱلدِّينِ
قىيامەت كۈنىنىڭ (دەھشەتلىكلىكىنى) قانداقلىقىنى قانداق بىلەلەيسەن؟[17]
ثُمَّ مَآ أَدۡرَىٰكَ مَا يَوۡمُ ٱلدِّينِ
قىيامەت كۈنىنىڭ (دەھشەتلىكلىكىنى) قانداقلىقىنى قانداق بىلەلەيسەن؟[18]
يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ
ئۇ كۈندە بىر ئادەمنىڭ يەنە بىر ئادەمگە ياردەم بېرىش قولىدىن كەلمەيدۇ، بۇ كۈندە ھۆكۈم ئاللاھقا خاستۇر[19].
مشاركة عبر