Ensiklopedia Alquran Alkarim

Ayah : 1

وَٱلۡمُرۡسَلَٰتِ عُرۡفٗا

Naapa kwa zinazo tumwa kwa upole!

Naapa kwa Aya zilizo tumwa kwa ulimi wa Jibrili kumpelekea Muhammad kwa upole wa kawaida na kheri,

Ayah : 2

فَٱلۡعَٰصِفَٰتِ عَصۡفٗا

Na zinazo vuma kwa kasi!

Na kwa Aya zenye kuzitwaa kwa nguvu dini nyengine zote za uwongo zikizipeperushia mbali,

Ayah : 3

وَٱلنَّٰشِرَٰتِ نَشۡرٗا

Na zikaeneza maeneo yote!

Na kwa Aya zenye kueneza hikima na uwongofu katika nyoyo za walimwengu kwa uenezi mkubwa mno,

Ayah : 4

فَٱلۡفَٰرِقَٰتِ فَرۡقٗا

Na zinazo farikisha zikatawanya!

Na zenye kufarikisha baina ya kweli na uwongo kwa mfarakano ulio wazi kabisa,

Ayah : 5

فَٱلۡمُلۡقِيَٰتِ ذِكۡرًا

Na zinazo peleka mawaidha!

Na zenye kuwapa watu mawaidha ya kuwanufaisha,

Ayah : 6

عُذۡرًا أَوۡ نُذۡرًا

Kwa kuudhuru au kuonya,

Ili iwe ni udhuru kwao na onyo wasiwe na hoja,

Ayah : 7

إِنَّمَا تُوعَدُونَ لَوَٰقِعٞ

Hakika mnayo ahidiwa bila ya shaka yatakuwa!

Hakika haya mliyo ahidiwa ya kuja Kiyama kwa yakini yatatimia tu bila ya shaka yoyote.

Ayah : 8

فَإِذَا ٱلنُّجُومُ طُمِسَتۡ

Wakati nyota zitakapo futwa,

Basi nyota zitapo ondolewa kabisa,

Ayah : 9

وَإِذَا ٱلسَّمَآءُ فُرِجَتۡ

Na mbingu zitakapo pasuliwa,

Na mbingu zitapo pasuka,

Ayah : 10

وَإِذَا ٱلۡجِبَالُ نُسِفَتۡ

Na milima itakapo peperushwa,

Na milima ikavurugwa na ikapeperushiwa mbali na upepo,

Ayah : 11

وَإِذَا ٱلرُّسُلُ أُقِّتَتۡ

Na Mitume watakapo wekewa wakati wao,

Na Mitume wakawekewa wakati maalumu wahudhurie kwa ajili ya kuwatolea ushahidi kaumu zao.

Ayah : 12

لِأَيِّ يَوۡمٍ أُجِّلَتۡ

Kwa siku gani hiyo wamewekewa muda huo?

Kwa ajili ya siku gani yametayarishwa mambo haya makubwa makubwa?

Ayah : 13

لِيَوۡمِ ٱلۡفَصۡلِ

Kwa siku ya kupambanua!

Kwa ajili ya siku watakapo pambanuliwa baina ya viumbe.

Ayah : 14

وَمَآ أَدۡرَىٰكَ مَا يَوۡمُ ٱلۡفَصۡلِ

Na nini kitakacho kujuulisha siku ya kupambanua ni nini?

Na nini cha kukujuvya ina nini hiyo siku ya kupambanua?

Ayah : 15

وَيۡلٞ يَوۡمَئِذٖ لِّلۡمُكَذِّبِينَ

Ole wao, siku hiyo hao wanao kanusha!

Ni maangamio ya milele siku hiyo kwa hao wanao kadhibisha walio waahidi Mitume!

Ayah : 16

أَلَمۡ نُهۡلِكِ ٱلۡأَوَّلِينَ

Kwani hatukuwaangamiza walio tangulia?

Kwani hatukuwaangamiza mataifa ya zamani yaliyo kadhibisha,

Ayah : 17

ثُمَّ نُتۡبِعُهُمُ ٱلۡأٓخِرِينَ

Kisha tukawafuatilizia walio fuatia?

Na kisha tukawafuatilizia hao wenginewe tukawateketeza hali kadhaalika,

Ayah : 18

كَذَٰلِكَ نَفۡعَلُ بِٱلۡمُجۡرِمِينَ

Ndio kama hivi tuwatendavyo wakosefu!

Kwa madhambi waliyo yafanya na walivyo mkataa Mwenyezi Mungu?

Ayah : 19

وَيۡلٞ يَوۡمَئِذٖ لِّلۡمُكَذِّبِينَ

Ole wao siku hiyo hao wanao kanusha!

Siku hiyo ni siku ya kuteketezwa walio kadhibisha, kama tulivyo waahidi.

Ayah : 20

أَلَمۡ نَخۡلُقكُّم مِّن مَّآءٖ مَّهِينٖ

Kwani hatukukuumbeni kwa maji ya kudharauliwa?

Kwani hatukukuumbeni kutokana na maji yaliyo dhalili, nayo ni manii,

Ayah : 21

فَجَعَلۡنَٰهُ فِي قَرَارٖ مَّكِينٍ

Kisha tukayaweka mahali pa utulivu madhubuti?

Na tukayaweka maji haya katika pahala patulivu,

Ayah : 22

إِلَىٰ قَدَرٖ مَّعۡلُومٖ

Mpaka muda maalumu?

Mpaka kutimilia kuumbwa kwake na kutengenezwa kwake kwa muda anao ujua Mwenyezi Mungu.

Ayah : 23

فَقَدَرۡنَا فَنِعۡمَ ٱلۡقَٰدِرُونَ

Tukakadiria na Sisi ni wabora wa kukadiria.

Nasi tukaweka vipimo katika kuumbwa kwake, na kutengenezwa kwake, na kutoka kwake. Basi wabora wa kupima na kukadiria ni Sisi.

Ayah : 24

وَيۡلٞ يَوۡمَئِذٖ لِّلۡمُكَذِّبِينَ

Ole wao siku hiyo hao wanao kanusha!

Ole wao hao wanao kadhibisha neema za kuumba na kukadiria.

Ayah : 25

أَلَمۡ نَجۡعَلِ ٱلۡأَرۡضَ كِفَاتًا

Kwani hatukuifanya ardhi yenye kukusanya

Kwani hatukuifanya ardhi kuwa imekusanya juu ya mgongo wake

Ayah : 26

أَحۡيَآءٗ وَأَمۡوَٰتٗا

Walio hai na maiti?

Viumbe vilivyo hai visio hisabika, na vilio kufa visio kadirika,

Ayah : 27

وَجَعَلۡنَا فِيهَا رَوَٰسِيَ شَٰمِخَٰتٖ وَأَسۡقَيۡنَٰكُم مَّآءٗ فُرَاتٗا

Na ndani yake tukaweka milima mirefu yenye kuthibiti, na tunakunywesheni maji matamu?

Na tukaweka milima iliyo thibiti imara mirefu, na tukakunywesheni maji matamu?

Ayah : 28

وَيۡلٞ يَوۡمَئِذٖ لِّلۡمُكَذِّبِينَ

Ole wao siku hiyo hao wanao kanusha!

Wataangamia siku hiyo hao wanao kadhibisha neema hizi!

Ayah : 29

ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ

Nendeni kwenye adhabu mliyo kuwa mkiikanusha!

Siku ya kupambanua wataambiwa makafiri: Nendeni huko Motoni mliko kuwa mkikukanusha.

Ayah : 30

ٱنطَلِقُوٓاْ إِلَىٰ ظِلّٖ ذِي ثَلَٰثِ شُعَبٖ

Nendeni kwenye kivuli chenye mapande matatu!

Nendeni kwenye joto la moshi wa Jahannamu ulio gawika kwa ukubwa wake mapande matatu.

Ayah : 31

لَّا ظَلِيلٖ وَلَا يُغۡنِي مِنَ ٱللَّهَبِ

Hakikingi moto, wala hakiwaepushi na mwako.

Hapana cha kujikinga na joto la siku hiyo, wala kivuli hicho hakipunguzi joto la mwako hata kidogo.

Ayah : 32

إِنَّهَا تَرۡمِي بِشَرَرٖ كَٱلۡقَصۡرِ

Hakika Moto huo unatoa macheche kama majumba!

Moto huo hutupa macheche yenye ukubwa kama majumba,

Ayah : 33

كَأَنَّهُۥ جِمَٰلَتٞ صُفۡرٞ

Kama kwamba ni ngamia wa rangi ya manjano!

Au utaona hayo macheche kama ngamia weusi wenye kuingia rangi ya manjano.

Ayah : 34

وَيۡلٞ يَوۡمَئِذٖ لِّلۡمُكَذِّبِينَ

Ole wao siku hiyo hao wanao kanusha!

Wataangamia siku hiyo wanao kanusha kwamba hizi ndizo sifa za Moto.

Ayah : 35

هَٰذَا يَوۡمُ لَا يَنطِقُونَ

Hii ni siku ambayo hawatatamka kitu,

Haya uliyo simuliwa yatatokea katika siku ambayo hawatatamka kitu cha kuwanufaisha,

Ayah : 36

وَلَا يُؤۡذَنُ لَهُمۡ فَيَعۡتَذِرُونَ

Wala hawataruhusiwa kutoa udhuru.

Wala hawatakuwa na idhini ya kutamka, wala hawatatoa udhuru, kwani hawana udhuru.

Ayah : 37

وَيۡلٞ يَوۡمَئِذٖ لِّلۡمُكَذِّبِينَ

Ole wao siku hiyo hao walio kanusha!

Wataangamia siku hiyo wanayo ikadhibisha siku hii.

Ayah : 38

هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ

Hii ndiyo siku ya kupambanua. Tumekukusanyeni nyinyi na walio tangulia.

Hii ndiyo siku ya kufafanua baina ya mwenye ukweli, na mwenye uwongo, kwa kuwa kila mmoja atalipwa kwa mujibu wa anavyo stahiki. Enyi mnao mkadhibisha Muhammad! Tumekujaalieni nyinyi na walio kutangulieni walio kadhibisha mfano wenu,

Ayah : 39

فَإِن كَانَ لَكُمۡ كَيۡدٞ فَكِيدُونِ

kiwa mnayo hila, nifanyieni hila Mimi!

Kama mnayo hila ya kujikinga na adhabu basi fanyeni hila hiyo. Basi njooni muepukane na adhabu yangu.

Ayah : 40

وَيۡلٞ يَوۡمَئِذٖ لِّلۡمُكَذِّبِينَ

Ole wao siku hiyo hao walio kanusha!

Wataangamia siku hiyo wanayo ikadhibisha ahadi ya Mwenyezi Mungu.

Ayah : 41

إِنَّ ٱلۡمُتَّقِينَ فِي ظِلَٰلٖ وَعُيُونٖ

Hakika wachamngu watakuwa katika vivuli na chemchem,

Hakika wachamngu wenye kujikinga na adhabu ya Mwenyezi Mungu watakuwa katika kivuli kikubwa, na chemchem zinazo miminika,

Ayah : 42

وَفَوَٰكِهَ مِمَّا يَشۡتَهُونَ

Na matunda wanayo yapenda,

Na matunda wanayo yaonea ladha, na wanayo yapenda,

Ayah : 43

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ

Kuleni na kunyweni kwa furaha kwa yale mliyo kuwa mkiyatenda.

Wataambiwa kwa kuamkiwa na kukirimiwa: Kuleni na mnywe chakula na vinywaji kwa starehe kwa sababu ya vitendo vyema mlivyo kuwa mkivitenda duniani.

Ayah : 44

إِنَّا كَذَٰلِكَ نَجۡزِي ٱلۡمُحۡسِنِينَ

Hakika ndio kama hivyo tunavyo walipa watendao mema.

Hakika Sisi huwalipa mfano wa malipo hayo matukufu watu wema.

Ayah : 45

وَيۡلٞ يَوۡمَئِذٖ لِّلۡمُكَذِّبِينَ

Ole wao siku hiyo hao wanao kanusha!

Wataangamia siku hiyo wanayo ikadhibisha Pepo.

Ayah : 46

كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ

Kuleni na mjifurahishe kidogo tu. Hakika nyinyi ni wakosefu!

Na makafiri wataambiwa: Kuleni na mjistareheshe kwa starehe isiyo baki muda mrefu, kwani hakika nyinyi ni wakosefu kwa kumshirikisha kwenu Mwenyezi Mungu.

Ayah : 47

وَيۡلٞ يَوۡمَئِذٖ لِّلۡمُكَذِّبِينَ

Ole wao siku hiyo hao wanao kanusha!

Wataangamia siku hiyo wanao ikadhibisha neema.

Ayah : 48

وَإِذَا قِيلَ لَهُمُ ٱرۡكَعُواْ لَا يَرۡكَعُونَ

Na wakiambiwa: Inameni! Hawainami.

Na wakiambiwa: Swalini kwa ajili ya Mwenyezi Mungu, na mnyenyekeeni Yeye, hawanyenyekei wala hawaswali; bali hushikilia kiburi chao!

Ayah : 49

وَيۡلٞ يَوۡمَئِذٖ لِّلۡمُكَذِّبِينَ

Ole wao siku hiyo hao wanao kanusha!

Wataangamia siku wanao kadhibisha amri za Mwenyezi Mungu na makatazo yake.

Ayah : 50

فَبِأَيِّ حَدِيثِۭ بَعۡدَهُۥ يُؤۡمِنُونَ

Basi maneno gani baada ya haya watayaamini?

Basi maneno gani hawa watayaamini ikiwa hawaiamini Qur'ani, na hali hii ni muujiza ulio toka mbinguni?

Terjemahan makna Alquran Alkarim

Terjemahan Berbahasa Sawahili - Ali Muhsin Al-Barwani

سورة المرسلات

Nomor Halaman

Ayah

Arabic

Arabic

Arabic

Arabic

Arabic

Arabic

Arabic

Arabic

Terjemahan makna Alquran Alkarim

Terjemahan Berbahasa Sawahili - Ali Muhsin Al-Barwani

سورة المرسلات

Nomor Halaman

Ayah

Nomor Halaman : 580

Nomor Halaman : 581