La traduction en ourdou - Muhammad Jûnâkarî

Traduction des sens du Noble Coran

Traduction par Muhammad Ibrahim Jonakri. Développement achevé sous la supervision du Centre Rawwâd At-Tarjamah (Les Pionniers de la Traduction). La traduction originale peut-être consultée en vue de donner une opinion, une évaluation et dans le cadre du développement continu.

QR Code https://quran.islamcontent.com/fr/urdu_junagarhi

هَلۡ أَتَىٰكَ حَدِيثُ ٱلۡغَٰشِيَةِ

کیا تجھے بھی چھپا لینے والی (قیامت) کی خبر پہنچی ہے.[1]

[1] هَلْ بمعنی قَدْ ہے۔ غَاشِيَةٌ سے مراد قیامت ہے۔ اس لئے کہ اس کی ہولناکیاں تمام مخلوق کو ڈھانک لیں گی۔
کیا تجھے بھی چھپا لینے والی (قیامت) کی خبر پہنچی ہے.[1]

وُجُوهٞ يَوۡمَئِذٍ خَٰشِعَةٌ

اس دن بہت سے چہرے ذلیل ہوں گے.[1]

[1] یعنی کافروں کے چہرے۔ خَاشِعَةٌ جھکے ہوئے، پست اور ذلیل۔ جیسے، نمازی، نماز کی حالت میں اللہ کے سامنے عاجزی اور تذلل سےجھکا ہوتا ہے۔
اس دن بہت سے چہرے ذلیل ہوں گے.[1]

عَامِلَةٞ نَّاصِبَةٞ

(اور) محنت کرنے والے تھکے ہوئے ہوں گے.[1]

[1] نَاصِبَةٌ کے معنی ہیں، تھک کر چور ہو جانا۔ یعنی انہیں اتنا پر مشقت عذاب ہوگا کہ اس سے ان کا سخت برا حال ہو گا۔ اس کا ایک دوسرا مفہوم یہ ہے کہ دنیا میں عمل کرکرے تھکے ہوئے ہوں گے یعنی بہت عمل کرتے رہے ہوں گے۔ لیکن وہ عمل باطل مذہب کے مطابق یا بدعات پر مبنی ہوں گے، اس لئے عبادات اور اعمال شاقہ کے باوجود جہنم میں جائیں گے۔ چنانچہ اسی مفہوم کی رو سے حضرت ابن عباس (رضي الله عنه) ما نے ”عَامِلَةٌ نَاصِبَةٌ“ سے نصاریٰ مراد لئے ہیں (صحيح البخاري تفسير سورة غاشية)۔
(اور) محنت کرنے والے تھکے ہوئے ہوں گے.[1]

تَصۡلَىٰ نَارًا حَامِيَةٗ

وه دہکتی ہوئی آگ میں جائیں گے.

وه دہکتی ہوئی آگ میں جائیں گے.

تُسۡقَىٰ مِنۡ عَيۡنٍ ءَانِيَةٖ

اور نہایت گرم چشمے کا پانی ان کو پلایا جائے گا.[1]

[1] یہاں وہ سخت کھولتا ہوا پانی مراد ہے جس کی گرمی انتہا کو پہنچی ہوئی ہو۔ ( فتح القدیر ) ۔
اور نہایت گرم چشمے کا پانی ان کو پلایا جائے گا.[1]

لَّيۡسَ لَهُمۡ طَعَامٌ إِلَّا مِن ضَرِيعٖ

ان کے لئے سوائے کانٹے دار درختوں کے اور کچھ کھانے کو نہ ہوگا.[1]

[1] یہ ایک کانٹے دار درخت ہوتا ہے جسے خشک ہونے پر جانور بھی کھانا پسند نہیں کرتے۔ بہرحال یہ بھی زقوم کی طرح ایک نہایت تلخ، بدمزہ اور ناپاک ترین کھانا ہوگا، جو جز وبدن بنے گا، نہ اس سے بھوک ہی مٹے گی۔
ان کے لئے سوائے کانٹے دار درختوں کے اور کچھ کھانے کو نہ ہوگا.[1]

لَّا يُسۡمِنُ وَلَا يُغۡنِي مِن جُوعٖ

جو نہ موٹا کرے گا نہ بھوک مٹائے گا.

جو نہ موٹا کرے گا نہ بھوک مٹائے گا.

وُجُوهٞ يَوۡمَئِذٖ نَّاعِمَةٞ

بہت سے چہرے اس دن تروتازه اور (آسوده حال) ہوں گے.

بہت سے چہرے اس دن تروتازه اور (آسوده حال) ہوں گے.

لِّسَعۡيِهَا رَاضِيَةٞ

اپنی کوشش پر خوش ہوں گے.

اپنی کوشش پر خوش ہوں گے.

فِي جَنَّةٍ عَالِيَةٖ

بلند وباﻻ جنتوں میں ہوں گے.

بلند وباﻻ جنتوں میں ہوں گے.

لَّا تَسۡمَعُ فِيهَا لَٰغِيَةٗ

جہاں کوئی بیہوده بات نہیں سنیں گے.

جہاں کوئی بیہوده بات نہیں سنیں گے.

فِيهَا عَيۡنٞ جَارِيَةٞ

جہاں بہتا ہوا چشمہ ہوگا.

جہاں بہتا ہوا چشمہ ہوگا.

فِيهَا سُرُرٞ مَّرۡفُوعَةٞ

(اور) اس میں اونچے اونچے تخت ہوں گے.

(اور) اس میں اونچے اونچے تخت ہوں گے.

وَأَكۡوَابٞ مَّوۡضُوعَةٞ

اور آبخورے رکھے ہوئے (ہوں گے).

اور آبخورے رکھے ہوئے (ہوں گے).

وَنَمَارِقُ مَصۡفُوفَةٞ

اور ایک قطار میں لگے ہوئے تکیے ہوں گے.

اور ایک قطار میں لگے ہوئے تکیے ہوں گے.

وَزَرَابِيُّ مَبۡثُوثَةٌ

اور مخملی مسندیں پھیلی پڑی ہوں گی.[1]

[1] یہ اہل جنت کا تذکرہ ہے، جو جہنمیوں کے برعکس نہایت آسودہ حال اور ہر قسم کی آسائشوں سے بہرہ ور ہوں گے۔ عَيْنٌ بطور جنس کے ہے یعنی متعدد چشمے ہوں گے۔ نَمَارِقُ بمعنی وَسَائِدَ ( تکیے ) ہے زَرَابِيُّ مسندیں، قالین اور گدے بستر مَبْثُوثَةٌ پھیلی ہوئی۔ یعنی یہ مسندیں جگہ جگہ بچھی ہوئی ہوں گی۔ اہل جنت جہاں آرام کرنا چاہیں گے، کر سکیں گے۔
اور مخملی مسندیں پھیلی پڑی ہوں گی.[1]

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ

کیا یہ اونٹوں کو نہیں دیکھتے کہ وه کس طرح پیدا کیے گئے ہیں.[1]

[1] اونٹ عرب میں عام تھے اور ان عربوں کی غالب سواری یہی تھی، اس لئے اللہ نے اسی کا ذکر کر کے فرمایا کہ اس کی خلقت پر غور کرو، اللہ نے اسے کتنا بڑا وجود عطا کیا ہے اور کتنی قوت وطاقت اس کے اندر رکھی ہے۔ اس کے باوجود وہ تمہارے لئے نرم اور تابع ہے، تم اس پر جتنا چاہو بوجھ لاد دو، وہ انکار نہیں کرے گا، تمہارا ماتحت ہو کر رہے گا۔ علاوہ ازیں اس کا گوشت تمہارے کھانے کے، اس کا دودھ تمہارے پینے کے اور اس کی اون، گرمی حاصل کرنے کے کام آتی ہے۔
کیا یہ اونٹوں کو نہیں دیکھتے کہ وه کس طرح پیدا کیے گئے ہیں.[1]

وَإِلَى ٱلسَّمَآءِ كَيۡفَ رُفِعَتۡ

اور آسمان کو کہ کس طرح اونچا کیا گیا ہے.[1]

[1] یعنی آسمان کتنی بلندی پر ہے، پانچ سو سال کی مسافت پر، پھر بھی بغیر ستون کے وہ کھڑا ہے۔ اس میں کوئی شگاف اور کجی بھی نہیں ہے۔ نیز ہم نے اسے ستاروں سے مزین کیا ہوا ہے۔
اور آسمان کو کہ کس طرح اونچا کیا گیا ہے.[1]

وَإِلَى ٱلۡجِبَالِ كَيۡفَ نُصِبَتۡ

اور پہاڑوں کی طرف کہ کس طرح گاڑ دیئے گئے ہیں.[1]

[1] یعنی کس طرح انہیں زمین پر میخوں کی طرح گاڑ دیا گیا ہے تاکہ زمین حرکت نہ کرے۔ نیز ان میں جو معدنیات اور دیگر منافع ہیں، وہ اس کے علاوہ ہیں۔
اور پہاڑوں کی طرف کہ کس طرح گاڑ دیئے گئے ہیں.[1]

وَإِلَى ٱلۡأَرۡضِ كَيۡفَ سُطِحَتۡ

اور زمین کی طرف کہ کس طرح بچھائی گئی ہے.[1]

[1] یعنی کس طرح اسے ہموار کرکے انسان کے رہنے کے قابل بنایا ہے، وہ اس پر چلتا پھرتا، کاروبار کرتا اور فلک بوس عمارتیں تعمیر کرتا ہے۔
اور زمین کی طرف کہ کس طرح بچھائی گئی ہے.[1]

فَذَكِّرۡ إِنَّمَآ أَنتَ مُذَكِّرٞ

پس آپ نصیحت کر دیا کریں (کیونکہ) آپ صرف نصیحت کرنے والے ہیں.[1]

[1] یعنی آپ کا کام صرف تذکیر اور تبلیغ ودعوت ہے، اس کے علاوہ یا اس سے بڑھ کر نہیں۔
پس آپ نصیحت کر دیا کریں (کیونکہ) آپ صرف نصیحت کرنے والے ہیں.[1]

لَّسۡتَ عَلَيۡهِم بِمُصَيۡطِرٍ

آپ کچھ ان پر داروغہ نہیں ہیں.[1]

[1] کہ انہیں ایمان لانے پر مجبور کریں۔ بعض کہتے ہیں کہ یہ ہجرت سے قبل کا حکم ہے جو آیت سیف سے منسوخ ہو گیا، کیوں کہ اس کے بعد نبی (صلى الله عليه وسلم) نے فرمایا۔ ”أُمِرْتُ أَنْ أُقَاتِلَ النَّاسَ حَتَّى يَقُولُوا : لا إِلَهَ إِلا اللهُ فَإِذَا قَالُوهَا، عَصَمُوا مِنِّي دِمَاءَهُمْ وَأَمْوَالَهُمْ إِلا بِحَقِّهَا؛ وَحِسَابُهُمْ عَلَى اللهِ“۔ (صحيح بخاري، باب وجوب الزكاة مسلم كتاب الإيمان، باب الأمر بقتال الناس حتى يقولوا...) ”مجھے حکم دیا گیا ہے کہ میں لوگوں سے قتال کروں یہاں تک کہ وہ لا الہ الا اللہ کا اقرار کر لیں۔ جب وہ یہ اقرار کر لیں گے تو انہوں نے مجھ سے اپنے خونوں اور مالوں کو بچا لیا۔ سوائے حق اسلام کے، ( جو اگر ہمارے علم میں نہ آیا تو ) ان کا حساب اللہ کے ذمے ہے“۔
آپ کچھ ان پر داروغہ نہیں ہیں.[1]

إِلَّا مَن تَوَلَّىٰ وَكَفَرَ

ہاں! جو شخص روگردانی کرے اور کفر کرے.

ہاں! جو شخص روگردانی کرے اور کفر کرے.

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ

اسے اللہ تعالیٰ بہت بڑا عذاب دے گا.[1]

[1] یعنی جہنم کا دائمی عذاب۔
اسے اللہ تعالیٰ بہت بڑا عذاب دے گا.[1]

إِنَّ إِلَيۡنَآ إِيَابَهُمۡ

بیشک ہماری طرف ان کا لوٹنا ہے.

بیشک ہماری طرف ان کا لوٹنا ہے.

ثُمَّ إِنَّ عَلَيۡنَا حِسَابَهُم

پھر بیشک ہمارے ذمہ ہے ان سے حساب لینا.[1]

[1] مشہور ہے کہ اس کے جواب میں اللَّهُمَّ! حَاسِبْنَا حِسَابًا يَسِيرًا ۔ پڑھا جائے۔ یہ دعا تو نبی (صلى الله عليه وسلم) سے ثابت ہے جو آپ (صلى الله عليه وسلم) اپنی بعض نمازوں میں پڑھتے تھے، جیسا کہ سورۂ انشقاق میں گزرا۔ لیکن اس کے جواب میں پڑھنا، یہ آپ (صلى الله عليه وسلم) سے ثابت نہیں ہے۔
پھر بیشک ہمارے ذمہ ہے ان سے حساب لینا.[1]